«Галатасарой» «Милан» ҳужумчиси Рафаэл Леау билан шахсий шартнома шартлари бўйича келишувга эришди. Бу ҳақда инсайдер Яғиз Сабунжуоғлу X ижтимоий тармоғида хабар берди.

Манбага кўра, Истанбул клуби 27 ёшли португалиялик футболчига йилига тахминан 12 миллион евро маош тўлашга тайёр.

Энди «Галатасарой» трансфер шартлари бўйича «Милан» билан келишувга эришиши керак.

Леаунинг «Милан» билан амалдаги шартномаси 2028 йилга қадар мўлжалланган. Transfermarkt портали футболчининг бозор қийматини 50 миллион евро деб баҳоламоқда.

2025/26 мавсумида Леау барча мусобақалар доирасида 31 та учрашувда майдонга тушиб, 10 та гол урди ва 3 та голли узатма амалга оширди.

Шунингдек, у 2026 йилги жаҳон чемпионатида 5 та ўйинда иштирок этиб, 1 та гол урди ва 1 та голли узатма қайд этди.