Кот-д'Ивуар терма жамоаси ярим ҳимоячиси Франк Кессье фаолиятини яна Италияда давом эттиришга мойил.
Инсайдер Фабрицио Романо маълумотига кўра, футболчи Италия клубларидан тушадиган таклифларга устуворлик беришни режалаштирмоқда.
Шу билан бирга, "Ал-Иттиҳод" бир неча ҳафтадан бери 29 ёшли футболчини ўз сафига қўшиб олиш учун фаол ҳаракат қилмоқда.
Кессьенинг сўнгги клуби "Ал-Аҳли" бўлган. У 2026 йил 1 июль куни шартномаси якунлангани сабаб жамоани тарк этди.
Ҳозирча Италия клубларидан Кессьега аниқ таклифлар борлиги ҳақида маълумот йўқ.
Футболчи 2022 йилда "Милан"дан "Барселона"га ўтиб, Италияни тарк этган эди. Бунга қадар у Апеннин яриморолида "Аталанта" ва "Чезена" сафида ҳам тўп сурган.
