Дарвозабон Маттиа Перин саккиз йиллик фаолиятидан сўнг Туриннинг "Ювентус" клубини тарк этмоқда. У энди Сицилиянинг "Палермо" жамоаси шарафини ҳимоя қилади.
Перин "Ювентус" мухлисларига махсус мурожаат йўллаб, клуб билан хайрлашди.
"Шундай жойлар бўладики, сен улардан шунчаки ўтиб кетасан. Яна шундай жойлар борки, сен у ердан ўтар экансан, улар сени ҳам ўзгартиради. "Ювентус" мен учун айнан шундай жой бўлди. Бугун ортга назар ташлаб, ҳозирги инсон сифатида шаклланишимда шу йилларнинг катта ҳиссаси борлигини тушуняпман", — дея Периннинг сўзларини келтиради derbyderbyderby.it.
Эслатиб ўтамиз, Перин аввал "Женоа" сафида ҳам тўп сурган. У "Ювентус"га Жанлуижи Буффон клубни тарк этганидан кейин келиб қўшилган эди.
