«ПСЖ» раҳбарияти португалиялик ярим ҳимоячи Рэнату Саншешдан қутулишни режалаштирмоқда. Инсайдер Себастьян Дениснинг хабарига кўра, агар 29 ёшли футболчи ўзига янги жамоа топа олмаса, парижликлар у билан тузилган меҳнат шартномасини бекор қилади.

Саншешнинг фаолиятини давом эттириш учун МЛС ва Саудия Арабистони чемпионатидан вариантлари бўлган, бироқ португалиялик футболчи фаолиятини Европа клубларида давом эттиришни истамоқда.

Эслатиб ўтамиз, у илгари ижара асосида «Рома», «Бенфика» ва «Панатинаикос» клубларида тўп сурган. Футболчининг «ПСЖ» билан амалдаги шартномаси келаси йилнинг ёзида якунига етади. Transfermarkt портали экспертлари португалиялик ярим ҳимоячининг бозор қийматини 2 миллион еврога баҳоламоқда.