«Байер» ҳужумчиси Эрнест Поку «Бешиктош»га ўтишга яқин.
Sky Sport хабарига кўра, Туркия клуби 22 ёшли нидерландиялик футболчини 3 миллион евро эвазига бир йилга ижарага олади. Шартномада муайян шартлар бажарилган тақдирда, футболчини 20 миллион еврога мажбурий сотиб олиш банди ҳам мавжуд.
«Бешиктош» ўз навбатида трансфер ва футболчи билан шахсий шартнома борасида келишувга эришилганини тасдиқлади. Поку аллақачон Истанбулга етиб келган ва энди унга фақат тиббий кўрикдан ўтиш қолди.
Ҳужумчи ўтган мавсум Бундеслигада 29 та ўйинда майдонга тушиб, 5 та гол урган.
