«Bayer» hujumchisi Ernest Poku «Beshiktosh»ga o‘tishga yaqin.

Sky Sport xabariga ko‘ra, Turkiya klubi 22 yoshli niderlandiyalik futbolchini 3 million yevro evaziga bir yilga ijaraga oladi. Shartnomada muayyan shartlar bajarilgan taqdirda, futbolchini 20 million yevroga majburiy sotib olish bandi ham mavjud.

«Beshiktosh» o‘z navbatida transfer va futbolchi bilan shaxsiy shartnoma borasida kelishuvga erishilganini tasdiqladi. Poku allaqachon Istanbulga yetib kelgan va endi unga faqat tibbiy ko‘rikdan o‘tish qoldi.

Hujumchi o‘tgan mavsum Bundesligada 29 ta o‘yinda maydonga tushib, 5 ta gol urgan.