"Реал" ҳужумчиси Эндрик ёзги трансфер ойнаси ёпилгунга қадар Мадрид клубини тарк этиши мумкин. Бу ҳақда журналист Сиро Лопес ўз ижтимоий тармоқларида хабар берди.

Манба маълумотига кўра, Эндрик айни пайтда "Реал" асосий таркибидан мустаҳкам жой олиш деярли имконсиз эканини тушуниб турибди. Шу сабабли у клубдан кетиш вариантини кўриб чиқмоқда.

Ёш бразилиялик футболчига "Лион", шунингдек, Англия Премьер-лигасининг бир қатор клублари қизиқиш билдирмоқда.

Аввалроқ Жозе Моуриньо Эндрикни "Реал"да олиб қолишни истаётгани ҳақида хабар берилган эди.