"Сельта" "Ливерпуль"нинг 21 ёшли испаниялик таянч ярим ҳимоячиси Стефан Байчетични ўз сафига қўшиб олмоқчи. Бу ҳақда инсайдер Фабрицио Романо хабар берди.
Манба маълумотига кўра, Галисия клуби футболчи билан шахсий шартнома шартлари бўйича келишувга яқинлашган.
Энди "Сельта" трансферни амалга ошириш учун "Ливерпуль" билан ҳам келишиб олиши керак. Байчетичнинг мерсисайдликлар билан амалдаги шартномаси 2027 йил 30 июнга қадар мўлжалланган.
Байчетич жорий мавсумда "Ливерпуль" сафида ҳали майдонга тушмади. У ўтган мавсумнинг деярли барчасини жароҳат сабаб ўтказиб юборган.
2024/25 йилги мавсумда эса футболчи "Зальцбург" ва "Лас-Пальмас" клублари сафида тўп суриб, жами 33 та ўйинда майдонга тушди ва 1 та гол урди.
