«Ювентус» вингери Кенан Йилдиз узоқ муддатга майдонни тарк этди.
21 ёшли футболчи А Серия 1-туридан ўрин олган «Фрозиноне»га қарши ўйинда (1:0) жароҳат олган эди.
La Gazzetta dello Sport хабарига кўра, душанба куни ўтказилган тиббий кўрик вақтида Йилдизда оёқ суяги сингани гумон қилинган ва кейинги текширувлар «Ювентус» шифокорларининг хавотирларини тасдиқлаган. Кенангa катта эҳтимол билан операция қилиш талаб этилади.
Йилдиз икки ярим ойдан уч ойгача бўлган муддатни ўтказиб юбориши кутилмоқда. Клуб футболчи терма жамоаларнинг ноябрь ойдаги танаффусига қадар тикланиб олишига умид қилмоқда.
