"Барселона" ҳужумчиси Ламин Ямал ўтган ҳафта "Эльче"га қарши ўйин вақтида ҳам, баҳсдан кейин ҳам тушкун ва хафа ҳолатда кўринди. Каталонияликлар мазкур учрашувда 5:0 ҳисобида ғалаба қозонган эди.
"Барселона" бош мураббийи Ханси Флик футболчининг ҳолатини соғлиғи билан боғлиқ муаммо билан изоҳлади.
"Ламин Ямал ҳозир энг яхши даражасида эмаслиги табиий ҳол. Биз унга аввалги ҳолатига қайтиш йўлини топишимиз керак. У майдонда ўтказган 60 дақиқани жуда қадрлайман.
"Эльче"га қарши ўйиндан кейин Ламиннинг боши оғриди. Ҳозир у ўзининг энг яхши ҳолатида бўла олмайди.
У дастлабки икки голда иштирок этди, бизга жуда катта ёрдам берди ва умуман олганда яхши ҳаракат қилмоқда", — деди Флик.
Аввалроқ Ямалнинг тушкун кайфияти "Барселона" Алекс Бальдени сотишни режалаштираётгани билан боғлиқ экани ҳақида хабарлар тарқалган эди.
