"Barselona" hujumchisi Lamin Yamal o‘tgan hafta "Elche"ga qarshi o‘yin vaqtida ham, bahsdan keyin ham tushkun va xafa holatda ko‘rindi. Kataloniyaliklar mazkur uchrashuvda 5:0 hisobida g‘alaba qozongan edi.
"Barselona" bosh murabbiyi Xansi Flik futbolchining holatini sog‘lig‘i bilan bog‘liq muammo bilan izohladi.
"Lamin Yamal hozir eng yaxshi darajasida emasligi tabiiy hol. Biz unga avvalgi holatiga qaytish yo‘lini topishimiz kerak. U maydonda o‘tkazgan 60 daqiqani juda qadrlayman.
"Elche"ga qarshi o‘yindan keyin Laminning boshi og‘ridi. Hozir u o‘zining eng yaxshi holatida bo‘la olmaydi.
U dastlabki ikki golda ishtirok etdi, bizga juda katta yordam berdi va umuman olganda yaxshi harakat qilmoqda", — dedi Flik.
Avvalroq Yamalning tushkun kayfiyati "Barselona" Aleks Baldeni sotishni rejalashtirayotgani bilan bog‘liq ekani haqida xabarlar tarqalgan edi.
