Мусса Диаби "Байер"га тўлақонли трансфер асосида қайтиш арафасида. "Ал-Иттиҳод" билан музокараларда жиддий олдинга силжишга эришилди.
Флориан Плеттенберг ҳам тасдиқлаган маълумотга кўра, икки клуб 30 миллион евродан бироз камроқ суммадаги трансфер бўйича тўлиқ оғзаки келишувга эришган.
Франциялик вингер эса "Байер" билан 2031 йилга қадар мўлжалланган узоқ муддатли шартнома шартларини келишиб олган.
Айни пайтда клублар ўртасидаги битимнинг сўнгги тафсилотлари якунийлаштирилмоқда. Диаби яқин вақт ичида тиббий кўрикдан ўтиши ва расмий шартномани имзолаши кутилмоқда.
