Mundo Deportivo маълумотига кўра, "Реал Мадрид" футболчилари 2026/27 йилги мавсум давомида қўлланиладиган янги қоидалар билан танишиш мақсадида анъанавий мавсумолди ҳакамлик брифингида иштирок этди.
Машғулот "Вальдебебас" базасида ўтказилди. Тақдимотни Мадрид вакили бўлган Ла Лига ҳаками Мигель Анхель Ортис Ариас олиб борди.
Брифинг давомида алмаштиришлар пайтида вақтни чўзишга қарши янги чоралар, тиббий ёрдам олган футболчининг майдон ташқарисида бир дақиқа қолиши талаби, шунингдек VAR аралашиши мумкин бўлган қўшимча ҳолатлар батафсил тушунтирилди.
Жозе Моуриньо бошчилигидаги мураббийлар штаби ҳам учрашувда қатнашиб, ҳакамлар мавсум давомида амал қиладиган мезонлар билан танишди.
Брифинг "Реал Мадрид"нинг "Сантьяго Бернабеу"даги янги мавсум биринчи уй учрашуви — "Реал Сосьедад"га қарши баҳс олдидан ташкил этилди.
Ушбу учрашувни Матео Бускетс Феррер бошқариши белгиланган.
