Истанбулнинг «Галатасарой» клуби Рафаэл Леау учун курашни давом эттирмоқда. Туркияликлар футболчи билан шахсий шартнома шартларини келишиб олди, шунингдек, «Милан» раҳбариятига янги таклиф тақдим этди.
Аниқ сумма ошкор қилинмаган, аммо журналист Клаудио Раймонди маълумотига кўра, таклиф «Милан» Леау учун олишни истаган 50 миллион еврога яқин. «Галатасарой»нинг аввалги 35 миллион евролик таклифи рад этилган эди.
Португалиялик футболчи 2019 йилдан буён «Милан»да ўйнаб келмоқда. Аввалроқ у Лиссабоннинг «Спортинг» ва Франциянинг «Лилль» клубларида тўп сурган.
