Мадриднинг "Атлетико" клуби ҳужумчиси Хулиан Альварес жамоа машғулотини "Барселона" билан боғлиқ вазият сабаб ўтказиб юбормаган. Бу ҳақда Mundo Deportivo хабар берди.
Футболчига яқин манбалар аргентиналик ҳужумчининг машғулотда қатнашмагани интизомсизлик ёки норозилик билан боғлиқ экани ҳақидаги хабарларни қатъиян рад этган.
Манбаларнинг таъкидлашича, Альварес ҳеч қачон ўзини касалдек кўрсатмайди. Унинг машғулотни ўтказиб юбориши тунда яхши ухламагани ва ўзини нохуш ҳис қилгани билан боғлиқ бўлган. "Атлетико" томони ҳам худди шу версияни билдирган.
Аввалроқ Альварес "Барселона"нинг марказий ҳужумчи позицияси учун асосий трансфер мақсади экани, футболчининг ўзи ҳам Каталония клубига ўтишни орзу қилаётгани ҳақида хабарлар тарқалган эди.
"Атлетико" эса ўз навбатида ҳужумчисини тўғридан-тўғри рақобатчисига қўйиб юборишни истамаяпти.
