Madridning "Atletiko" klubi hujumchisi Xulian Alvares jamoa mashg‘ulotini "Barselona" bilan bog‘liq vaziyat sabab o‘tkazib yubormagan. Bu haqda Mundo Deportivo xabar berdi.
Futbolchiga yaqin manbalar argentinalik hujumchining mashg‘ulotda qatnashmagani intizomsizlik yoki norozilik bilan bog‘liq ekani haqidagi xabarlarni qat’iyan rad etgan.
Manbalarning ta’kidlashicha, Alvares hech qachon o‘zini kasaldek ko‘rsatmaydi. Uning mashg‘ulotni o‘tkazib yuborishi tunda yaxshi uxlamagani va o‘zini noxush his qilgani bilan bog‘liq bo‘lgan. "Atletiko" tomoni ham xuddi shu versiyani bildirgan.
Avvalroq Alvares "Barselona"ning markaziy hujumchi pozisiyasi uchun asosiy transfer maqsadi ekani, futbolchining o‘zi ham Kataloniya klubiga o‘tishni orzu qilayotgani haqida xabarlar tarqalgan edi.
"Atletiko" esa o‘z navbatida hujumchisini to‘g‘ridan-to‘g‘ri raqobatchisiga qo‘yib yuborishni istamayapti.
