«Милан» вингери Рафаэл Леау бўйича «Галатасарой»дан таклиф олди.
Клублар вакиллари ўртасида тўғридан-тўғри музокаралар бўлиб ўтган. Журналист Жанлуиджи Лонгари маълумотига кўра, Туркия чемпионати гранди португалиялик футболчи учун осон амалга ошадиган бонусларни ҳам қўшиб ҳисоблаганда 44 миллион евро таклиф қилган.
«Россонерилар» 27 ёшли футболчини сотишга мойил. Манбанинг таъкидлашича, Истанбул клуби Леаунинг ўзига йилига тахминан 12 миллион евро маош тўлашга тайёр.
Transfermarkt портали Рафаэл Леаунинг бозор қийматини 50 миллион еврога баҳоламоқда. Унинг «Милан» билан амалдаги шартномаси 2028 йилнинг ёзига қадар мўлжалланган.
