«Milan» vingeri Rafael Leau bo‘yicha «Galatasaroy»dan taklif oldi.
Klublar vakillari o‘rtasida to‘g‘ridan-to‘g‘ri muzokaralar bo‘lib o‘tgan. Jurnalist Janluidji Longari ma’lumotiga ko‘ra, Turkiya chempionati grandi portugaliyalik futbolchi uchun oson amalga oshadigan bonuslarni ham qo‘shib hisoblaganda 44 million yevro taklif qilgan.
«Rossonerilar» 27 yoshli futbolchini sotishga moyil. Manbaning ta’kidlashicha, Istanbul klubi Leauning o‘ziga yiliga taxminan 12 million yevro maosh to‘lashga tayyor.
Transfermarkt portali Rafael Leauning bozor qiymatini 50 million yevroga baholamoqda. Uning «Milan» bilan amaldagi shartnomasi 2028 yilning yoziga qadar mo‘ljallangan.
