Португалия терма жамоасининг собиқ бош мураббийи Роберто Мартинес Жазоир миллий терма жамоасини бошқариши мумкин, деб хабар бермоқда FootMercato.
Манба маълумотига кўра, 53 ёшли испаниялик мутахассис яқинда Жазоир футбол федерациясининг номзодлар қисқа рўйхатига киритилган.
Мартинеснинг ўзи ҳам Жазоир терма жамоасини бошқариш истиқболидан мамнун. У молиявий шартларда жиддий ён беришга тайёр, шунингдек, мураббийлар штабига жазоирлик мутахассисни қўшишга ҳам қарши эмас.
Мартинес 2026 йил ёзида Португалия терма жамоаси бош мураббийи лавозимини тарк этган. Унинг қўл остида португалияликлар ЖЧ-2026 1/8 финалида Испанияга 0:1 ҳисобида мағлуб бўлган. Жазоир эса жаҳон чемпионатининг 1/16 финалида Швейцарияга 0:2 ҳисобида имкониятни бой берган.
Бунга қадар Роберто Мартинес Бельгия терма жамоаси, шунингдек, «Эвертон», «Уиган» ва «Суонси» клубларини бошқарган.
