Лондоннинг «Арсенал» клуби дарвозабони Давид Райя жамоанинг жорий мавсумдаги мақсадлари ҳақида гапирди.
Ўтган мавсумда «тўпчилар» Англия Премьер-лигаси ғолибига айланган ва Чемпионлар лигаси финалига қадар етиб борган эди. Ҳал қилувчи баҳсда «Арсенал» пенальтилар сериясида «ПСЖ»га имкониятни бой берган.
«Биз ғолиб бўлишни хоҳлаймиз — бир марталик муваффақият бизни қониқтирмайди. Биз чемпионат, кубоклар ва Чемпионлар лигаси учун курашамиз, чунки янада кўпроқ ютуқларга эришишни истаймиз.
Мақсадимиз — барча совринларни қўлга киритиш. Биз исталган рақибни мағлуб эта олишимизга ишонамиз. Фақат ўз ўйинимизга эътибор қаратиб, ўтган мавсумдагидан ҳам кўпроқ натижага эришишга ҳаракат қилишимиз керак», — деди Райя. Унинг сўзларини Arsenal Radar келтирди.
Микель Артета шогирдлари Англия Премьер-лигасининг янги мавсумини «Ковентри» устидан 3:0 ҳисобидаги ғалаба билан бошлади. Бундан аввал «Арсенал» Англия Суперкубогида «Манчестер Сити»ни ҳам худди шу — 3:0 ҳисобида мағлуб этган эди.
