"Реал" бош мураббийи Жозе Моуринью Ла Лиганинг 1-туридан қолдирилган "Реал Сосьедад"га қарши учрашувдаги 4:1 ҳисобидаги ғалабадан кейин Килиан Мбаппе бир мавсумда 50–60 та гол уриши мумкинлигини, аммо жамоавий муваффақиятлар бундан муҳимроқ эканини таъкидлади.

"Килиан — ажойиб футболчи, мутлақо ажойиб. У мавсумда 50 ёки 60 та гол урадими — билмайман. Мен унинг фақат ўзини ўйлаб 60 та гол уришидан кўра, жамоага катта фойда келтириб, совринлар билан бирга 40 та гол уришини афзал кўраман.

Мен ундан жуда мамнунман. Жамоадаги муҳит ҳам кучайишимизга ёрдам беряпти. У таътили тугашидан икки кун олдин жамоа ихтиёрига қайтди ва бу ижобий ҳолат.

Уни тўлиқ 90 дақиқа майдонда қолдирдим, чунки тўртинчи голини ҳам ура оладими, кўрмоқчи эдим. Вини эса гол урганидан кейин дарҳол алмаштирилди", — деди Моуринью. Унинг сўзларини AS нашри келтирди.

"Реал" 6 очко билан Ла Лига турнир жадвалида етакчилик қилмоқда. "Реал Сосьедад" эса ҳозирча очко жамғара олмаган ва 20-ўринда бормоқда.