Мадриднинг «Реал» клуби чап қанот ҳимоячиси Марк Кукурелья Килиан Мбаппенинг ўйини ҳақида фикр билдирди.

Франциялик ҳужумчи Ла Лига доирасида «Реал Сосьедад»га қарши кечган ва 4:1 ҳисобида якунланган учрашувда хет-трик қайд этди.

«Мбаппе билан бирга ўйнаш — катта имтиёз. У билан ҳамма нарса осонроқ бўлади. У жамоа учун жуда фойдали ва муҳим футболчи. Умид қиламанки, бу Килианнинг жорий мавсумдаги сўнгги хет-триги бўлмайди. Мен унинг ҳам, жамоанинг ҳам натижасидан жуда хурсандман», — деди Кукурелья. Унинг сўзларини Madrid Xtra келтирди.

Эслатиб ўтамиз, Кукурелья мазкур учрашувда «Реал» сафида «Сантьяго Бернабеу»да илк бор майдонга тушди.

Икки турдан сўнг 6 очко жамғарган «Реал» Испания чемпионати турнир жадвалида пешқадам бўлиб турибди.