«Реал»га қайтган Жозе Моуринью мураббий сифатида Ла Лига доирасидаги уй учрашувларида 50-ғалабасига эришди.

Мадридликлар Испания чемпионатининг қолдирилган учрашувида «Реал Сосьедад»ни 4:1 ҳисобида мағлуб этди.

Эндиликда португалиялик мутахассиснинг Ла Лигадаги 58 та уй учрашувидаги натижаси 50 та ғалаба, 5 та дуранг ва 3 та мағлубиятни ташкил этмоқда. Унинг жамоалари бу ўйинларда 202 та гол урган ва 53 та тўп ўтказиб юборган.

Ла Лигада уй учрашувларида 50 та ғалабага эришиш учун Моуриньюдан камроқ ўйин талаб қилинган атиги уч нафар мураббий бор: Фердинанд Даучик ва Мигель Муньос бу натижага 54 та ўйинда эришган, Пеп Гвардиолага эса 59 та учрашув керак бўлган.

Ла Лигада уй учрашувларида жамоалари билан 200 та гол уриш маррасига энг тез етган мураббийлар:

Фердинанд Даучик — 51 та ўйин (1953 йил), Фред Пентланд — 52 та ўйин (1935), Кампаналь — 58 та ўйин (1953), Жозе Моуринью — 58 та ўйин (2026), Эленио Эррера — 59 та ўйин (1952).