«Real»ga qaytgan Joze Mourinyu murabbiy sifatida La Liga doirasidagi uy uchrashuvlarida 50-g‘alabasiga erishdi.

Madridliklar Ispaniya chempionatining qoldirilgan uchrashuvida «Real Sosyedad»ni 4:1 hisobida mag‘lub etdi.

Endilikda portugaliyalik mutaxassisning La Ligadagi 58 ta uy uchrashuvidagi natijasi 50 ta g‘alaba, 5 ta durang va 3 ta mag‘lubiyatni tashkil etmoqda. Uning jamoalari bu o‘yinlarda 202 ta gol urgan va 53 ta to‘p o‘tkazib yuborgan.

La Ligada uy uchrashuvlarida 50 ta g‘alabaga erishish uchun Mourinyudan kamroq o‘yin talab qilingan atigi uch nafar murabbiy bor: Ferdinand Dauchik va Migel Munyos bu natijaga 54 ta o‘yinda erishgan, Pep Gvardiolaga esa 59 ta uchrashuv kerak bo‘lgan.

La Ligada uy uchrashuvlarida jamoalari bilan 200 ta gol urish marrasiga eng tez yetgan murabbiylar:

Ferdinand Dauchik — 51 ta o‘yin (1953 yil), Fred Pentland — 52 ta o‘yin (1935), Kampanal — 58 ta o‘yin (1953), Joze Mourinyu — 58 ta o‘yin (2026), Elenio Errera — 59 ta o‘yin (1952).