«Лилль» «Сан-Лоренсо» клуби ва Парагвай терма жамоаси дарвозабони Орландо Хил трансферини расмий равишда эълон қилди.
Томонлар 2031 йилгача мўлжалланган шартнома имзолади. Transfermarkt маълумотларига кўра, трансфер суммаси бонуслардан ташқари 3,6 миллион еврони ташкил қилган.
Хил 2024 йилдан буён «Сан-Лоренсо» сафида тўп тепиб келаётган эди. У клубнинг асосий жамоаси таркибида жами 63 та учрашув ўтказиб, уларнинг 30 тасида ўз дарвозаси дахлсизлигини сақлаб қолди.
2025 йил сентябрь ойида Парагвай терма жамоасида дебют қилган дарвозабон кейинчалик Роберто Фернандес билан рақобатда устун келиб, 2026 йилги Жаҳон чемпионатида асосий таркибда майдонга тушди. Хил турнирнинг асосий кашфиётларидан бирига айланди. Хусусан, 1/16 финалда Германияга қарши пенальтилар сериясида жамоасига ғалаба қозонишда катта ҳисса қўшди.
Парагвай Жаҳон чемпионатидаги иштирокини 1/8 финалда Францияга 0:1 ҳисобида минимал ҳисобда мағлуб бўлиб якунлади.
«Лилль» янги мавсумни сафарда «Анже» устидан 2:0 ҳисобидаги ғалаба билан бошлади. Иккинчи турда Давиде Анчелотти шогирдлари 28 август куни ўз майдонида «ПСЖ»ни қабул қилади.
