«Челси» ҳануз «Борнмут» ярим ҳимоячиси Алекс Скоттни ўз сафига қўшиб олишга қизиқмоқда, деб хабар берди The Independent.

Манбага кўра, Лондон клуби 23 ёшли англиялик футболчи учун қарийб 105 миллион евро таклиф қилган. Аввалроқ «Челси» ушбу трансфер учун тахминан 80 миллион евро ажратишга тайёр эди, аммо бу таклиф рад этилган.

BBC маълумотларига кўра, футболчи 2026 йилда «Борнмут» унга таклиф қилган янги шартномани рад этган.

Ёзги трансфер ойнасида Скоттга «Арсенал», «Манчестер Юнайтед», «Тоттенхэм» ва «Манчестер Сити» клублари ҳам қизиқиш билдирган. Июнь ойида BBC «Арсенал»нинг ҳам «Борнмут»дан рад жавобини олганини хабар қилган эди.

Скотт 2023 йил августидан буён «Борнмут» сафида ўйнаб келмоқда. Унинг клуб билан шартномаси 2028 йил 30 июнига қадар амал қилади.

2025/26 йилги мавсумда ярим ҳимоячи 39 та учрашувда 4 та гол урди ва 1 та голли узатма амалга оширди.

Transfermarkt футболчининг трансфер қийматини 50 миллион еврога баҳоламоқда.