Инсайдер Николо Скира маълум қилишича, «Бавария» «ПСЖ» вингери Ибраим Мбайега қизиқиш билдирмоқда.

Германия клуби 18 ёшли сенегаллик футболчи ҳақида маълумот сўраган. Мбайе мунтазам ўйин амалиётига эга бўлиш ва майдонда кўпроқ вақт ўтказиш мақсадида шу ёзда Париж клубини тарк этишга қарши эмас.

«Бавария» футболчи атрофидаги вазиятни диққат билан кузатиб бормоқда.

Аввалроқ «Ливерпуль» «ПСЖ» вингери Мбайе билан шартнома шартлари бўйича келишувга эришгани хабар қилинганди.

Шунингдек, 18 ёшли футболчи амалдаги Чемпионлар лигаси ғолиби сафини яқин вақт ичида тарк этиши мумкинлиги ҳақида ҳам маълумотлар тарқалган.

Ўтган мавсумда Ибраим Мбайе 29 та учрашувда майдонга тушиб, ўртача ҳар бир ўйинда 39 дақиқа ҳаракат қилди. У 3 та гол урди ва 2 та голли узатмани амалга оширди.

Шу ёзда вингер Сенегал терма жамоаси сафида ЖЧ-2026 доирасида 4 та учрашувда қатнашди ва гуруҳ босқичида Францияга қарши 1:3 ҳисобида якунланган баҳсда гол урди. Мбайе жамоаси мусобақанинг 1/16 финалигача етиб борди ва ушбу босқичда Бельгияга қўшимча вақтда 2:3 ҳисобида имкониятни бой берди.