«Халл Сити» «Рома» ҳужумчиси Робинио Вазни ўз сафига қўшиб олиш бўйича келишувга яқин турибди. Бу ҳақда The Athletic журналисти Дэвид Орнштейн хабар берди.

19 ёшли футболчининг трансфери бир мавсумлик ижара шаклида амалга оширилиши кутилмоқда. «Халл Сити» ижара учун 2 миллион евро тўлайди, шунингдек, келишувга футболчини 30 миллион еврога сотиб олиш ҳуқуқи киритилади.

Орнштейн маълумотига кўра, икки клуб ва Франция ёшлар терма жамоаси аъзоси ўртасида келишувни якунига етказиш бўйича ишлар давом этмоқда.

Бу трансфер январь ойида «Марсель»дан «Рома»га ўтганидан кейин етарлича ўйин амалиётига эга бўла олмаган Вазга Премьер-лигада ўзини кўрсатиш имконини бериши мумкин.

«Рома» Вазни «Марсель»дан тахминан 22 миллион еврога харид қилганди. У Франция клуби сафида Лига 1 доирасида 14 та учрашув ўтказиб, 4 та гол урган ва 2 та голли узатмани амалга оширган.

Италияга кўчиб ўтганидан бери Ваз «Рома» сафида 12 та ўйинда қатнашиб, А Серияда 1 та гол урди. Шунингдек, у Франциянинг U-18 ва U-20 терма жамоалари шарафини ҳимоя қилган.