«Xall Siti» «Roma» hujumchisi Robinio Vazni o‘z safiga qo‘shib olish bo‘yicha kelishuvga yaqin turibdi. Bu haqda The Athletic jurnalisti Devid Ornshteyn xabar berdi.

19 yoshli futbolchining transferi bir mavsumlik ijara shaklida amalga oshirilishi kutilmoqda. «Xall Siti» ijara uchun 2 million yevro to‘laydi, shuningdek, kelishuvga futbolchini 30 million yevroga sotib olish huquqi kiritiladi.

Ornshteyn ma’lumotiga ko‘ra, ikki klub va Fransiya yoshlar terma jamoasi a’zosi o‘rtasida kelishuvni yakuniga yetkazish bo‘yicha ishlar davom etmoqda.

Bu transfer yanvar oyida «Marsel»dan «Roma»ga o‘tganidan keyin yetarlicha o‘yin amaliyotiga ega bo‘la olmagan Vazga Premyer-ligada o‘zini ko‘rsatish imkonini berishi mumkin.

«Roma» Vazni «Marsel»dan taxminan 22 million yevroga xarid qilgandi. U Fransiya klubi safida Liga 1 doirasida 14 ta uchrashuv o‘tkazib, 4 ta gol urgan va 2 ta golli uzatmani amalga oshirgan.

Italiyaga ko‘chib o‘tganidan beri Vaz «Roma» safida 12 ta o‘yinda qatnashib, A Seriyada 1 ta gol urdi. Shuningdek, u Fransiyaning U-18 va U-20 terma jamoalari sharafini himoya qilgan.