«Барселона» ярим ҳимоячиси Родри Эрнандес жамоадоши Марк Берналнинг салоҳиятини юқори баҳолади ва ёш футболчининг ўсишига ёрдам беришга тайёр эканини билдирди.
«Берналда яхши футболчи бўлиб етишиш учун ҳамма нарса бор. Мен унинг ўсиши учун қўлимдан келганча ёрдам бераман», — деди Родри.
30 ёшли испаниялик футболчи «Барселона»га келганидан кейин ҳам Бернал ҳақида алоҳида тўхталиб, ёш ярим ҳимоячининг ривожланиши ва оғир жароҳатдан кейинги тикланишини юқори баҳолаганди. Родри ўз тажрибасини ёш жамоадошларига етказишни «Барселона»даги вазифаларидан бири деб билишини таъкидлаган.
19 ёшли Марк Бернал «Ла Масия» тарбияланувчиси ҳисобланади. У 2024 йил августда «Райо Вальекано»га қарши ўйинда чап тиззасининг олд хочсимон боғламини узиб олган ва мениски ҳам шикастланган эди. Футболчи 382 кунлик танаффусдан кейин 2025 йил сентябрда яна майдонга қайтди.
Родри ва Бернал бир хил — таянч ярим ҳимоячиси позициясида ҳаракат қилади. Шу боис тажрибали испаниялик футболчининг «Барселона»га келиши Бернал учун майдондаги рақобат билан бирга, юқори даражадаги тажрибадан фойдаланиш имкониятини ҳам яратди.
