«ПСЖ» бош мураббийи Луис Энрике Усмон Дембелега душанба кунига қадар қисқа муддатли дам бериш қарорига изоҳ берди. Шу сабабли француз вингери эртага «Лилль»га қарши ўтадиган Лига 1 баҳсида иштирок этмайди.

«Ўтган йили ҳам шундай ҳолатлар бўлган ва биз футболчиларга тикланиш учун вақт берганмиз. Сўнгги уч йил ичида Дембеле, Ҳакими ва Мбаппега нисбатан ҳам шундай йўл тутганмиз. Мен Усмон Дембеленинг катта мухлисиман. У биз учун жуда муҳим футболчи. Бу ёз у таътил пайтида Суперкубок финалларида иштирок этиш учун катта ҳаракат қилди. У биз учун муҳим футболчи бўлган, ҳозир ҳам шундай ва келажакда ҳам шундай бўлиб қолади.

У шу ҳафта тўғри қарор қабул қилди. Бу ерда жиддий ҳеч нарса йўқ. Мен биз тўғри йўлдан кетаётганимизга ишонаман. Қандай қарор қабул қилинмасин, «ПСЖ» атрофида доимо шов-шув бўлади. Футболчилар менинг иш услубимга ўрганган. Келажакда ҳам аввалги даражамизни сақлашга ҳаракат қиламиз», — деди испаниялик мутахассис.

«Бу жиҳатни алоҳида таъкидлаш муҳим. Жаҳон чемпионатида қатнашгани учун бошқаларга қараганда камроқ дам олган футболчиларга қўшимча дам кунлари беришга доимо тайёрман. Баъзан футболдан узилиб, дам олиш жуда муҳим.

Усмонга нисбатан ҳам худди шундай. У қайтиб келиш учун катта ҳаракат қилди ва ушбу икки финалдан кейин унга бироз дам олиш имконини бериш муҳим. У майдонда ҳақиқий етакчи», — дея қўшимча қилди Луис Энрике.