«Арсенал»нинг машҳур собиқ ҳужумчиси Тьерри Анри жамоа жорий мавсумда Чемпионлар лигасида ғолиб чиқиши мумкин, деб ҳисобламоқда.
Яқинда Европанинг энг нуфузли клуб турнири умумий босқичига қуръа ташланди ва «канонирлар»нинг рақиблари маълум бўлди.
«Уч мавсум аввал — чорак финал, икки мавсум аввал — ярим финал, ўтган мавсум — финал. Энди бу мавсумда нима бўлишини кутинг», — деди Анри The Touchline нашри келтирган сўзларида «Арсенал»нинг навбатдаги муваффақиятига ишора қилиб.
Эслатиб ўтамиз, Чемпионлар лигасининг ўтган мавсумги финалида Микель Артета жамоаси «ПСЖ»га пенальтилар сериясида мағлуб бўлганди. Лондонликлар тарихда икки бор ҳал қилувчи баҳсгача етиб борган, аммо ҳали бирор марта ҳам ушбу совринни қўлга киритмаган.
