«Arsenal»ning mashhur sobiq hujumchisi Tyerri Anri jamoa joriy mavsumda Chempionlar ligasida g‘olib chiqishi mumkin, deb hisoblamoqda.

Yaqinda Yevropaning eng nufuzli klub turniri umumiy bosqichiga qur’a tashlandi va «kanonirlar»ning raqiblari ma’lum bo‘ldi.

«Uch mavsum avval — chorak final, ikki mavsum avval — yarim final, o‘tgan mavsum — final. Endi bu mavsumda nima bo‘lishini kuting», — dedi Anri The Touchline nashri keltirgan so‘zlarida «Arsenal»ning navbatdagi muvaffaqiyatiga ishora qilib.

Eslatib o‘tamiz, Chempionlar ligasining o‘tgan mavsumgi finalida Mikel Arteta jamoasi «PSJ»ga penaltilar seriyasida mag‘lub bo‘lgandi. Londonliklar tarixda ikki bor hal qiluvchi bahsgacha yetib borgan, ammo hali biror marta ham ushbu sovrinni qo‘lga kiritmagan.