Италиянинг «Милан» клуби португалиялик бош мураббийи Рубен Аморим дарвозабон Майк Меньян ҳақида фикр билдириб, уни табиатан етакчи футболчи деб атади.

«Мен Меньян билан гаплашдим. У ҳақиқий етакчи ва бу ҳар бир машғулотда кўриниб туради: стандарт вазиятларда ҳам, майда деталларда ҳам. У барча нарсага эътибор қаратади ва ўзига нисбатан ҳурмат талаб қилади. У биз учун жуда муҳим футболчи ва унинг жамоада қолишини истаймиз. Менимча, у бу ерда жуда бахтли. Дарвозабонлар мураббийи билан ҳам муносабатлари аъло даражада», — дея Аморимнинг сўзларини pianetamilan.it келтиради.

Эслатиб ўтамиз, Майк Меньян 2021 йилда Франциянинг «Лилль» клубидан «Милан»га кўчиб ўтган.