Лондоннинг «Арсенал» клуби ҳимоячиси Кристиан Москерага бир нечта клуб қизиқиш билдирмоқда.

CaughtOffside маълумотига кўра, Туркиянинг «Фенербахче» клуби бозор қиймати тахминан 35–41 миллион евро атрофида баҳоланаётган 22 ёшли испаниялик футболчи учун таклиф тайёрламоқда. Шунингдек, Саудия Арабистонининг «Ал-Ҳилол» ва «Ал-Наср» клублари ҳам яқин вақт ичида расмий таклиф юбориши кутилмоқда.

Бироқ «Арсенал» бош мураббийи Микель Артета Москерани юқори баҳолайди ва уни жамоада сақлаб қолиш ниятида. Бундан ташқари, Вильям Салибанинг оғир жароҳат олгани ҳам ҳимоячининг эҳтимолий кетишини янада мураккаблаштирмоқда. Салиба жароҳати сабаб бир неча ой майдонга туша олмайди.

Жорий мавсумда Москера Англия Премьер-лигаси ва Англия Суперкубогида жами икки ўйинда иштирок этди, аммо гол ёки голли узатма билан ажралиб турмади.