«Фулхэм» бош мураббийи Альваро Арбелоа Мадриднинг «Реал» клубидаги фаолияти ҳақида фикр билдирди. Испаниялик мутахассис бу даврни DAZN эфирида эслади.
«Реал»ни бошқариш мен учун улкан тажриба ва катта сабоқ бўлди. Албатта, у ердаги фаолиятим яхшироқ кечишини истардим, аммо ҳаммаси қандай бўлган бўлса, шундай бўлди. Мен «Реал»дан доимо миннатдор бўлиб қоламан. Мен мадридистман ва умрбод шундай қоламан. Бу клуб билан 20 йилдан ортиқ вақт боғлиқ бўлдим ва бу туйғуни доимо қалбимда сақлайман», — деди Арбелоа.
Арбелоа 2025/26 йилги мавсумда бир неча ой давомида «Реал» асосий жамоасини бошқарган. Унинг қўл остида мадридликлар Испания чемпионатини иккинчи ўринда якунлаган ва Чемпионлар лигасида чорак финалгача етиб борган.
