«Милан» Италия А Сериясининг 2-турида ўз майдонида «Венеция»ни 2:0 ҳисобида мағлуб этди.
Учрашувда ҳисоб 69-дақиқада очилди. Гонсалу Рамуш рақиб дарвозасини ишғол қилиб, «Милан» сафидаги дебют голини урди. 25 ёшли португалиялик ҳужумчи ёзги трансфер ойнасида «ПСЖ»дан Милан клубига кўчиб ўтган эди.
89-дақиқада мезбонлар устунлигини икки тўпга етказди. «Венеция» ҳимоячиси Редуан Ҳалҳал ўз дарвозасига гол киритиб қўйди.
«Милан» мавсум бошидаги иккинчи ғалабасини қўлга киритди. Рубен Аморим жамоаси 6 очко билан А Серия турнир жадвалида пешқадам бўлиб турибди. «Венеция» эса кетма-кет иккинчи мағлубиятини қабул қилди ва икки турдан сўнг сўнгги ўринни эгаллаб турибди.
Кейинги турда «Милан» сафарда «Ювентус»га қарши майдонга тушади. «Венеция» эса меҳмонда «Удинезе» билан баҳслашади. Ҳар икки учрашув 6 сентябрь куни бўлиб ўтади.
Италия А Серияси. 2-тур
28.08.2026 | Милан, «Джузеппе Меацца»
«МИЛАН» — «ВЕНЕЦИЯ» — 2:0
Голлар: Гонсалу Рамуш 69’ (1:0), Редуан Халхал 89’ автогол (2:0).
«Милан»: Майк Меньян, Кони Де Винтер, Страхинья Павлович, Марио Хила (Первис Эступиньян, 87), Лука Модрич (Ардон Яшари, 74), Юнус Муса, Давиде Бартезаги (Маттео Габбия, 87), Саму Чуквуэзе, Рубен Лофтус-Чик (Адриен Рабьо, 59), Альфаджо Сиссе (Алексис Салемакерс, 59), Гонсалу Рамуш.
«Венеция»: Филип Станкович, Армель Белла-Котчап, Бартол Франич (Редуан Халхал, 45+3), Йоэль Шингтьен, Джанлука Бузио, Тома Башич (Симон Зом, 65), Кике Перес (Лион Лаубербах, 80), Ридгесиано Хапс (Тьерри Коррейя, 66), Антуан Эно, Джон Йебоа (Альбион Рахмани, 80), Акор Адамс.
Огоҳлантиришлар: Страхинья Павлович (71) — Йоэль Шингтьен (27), Кике Перес (48), Ридгесиано Хапс (54).
