Ҳужумчи Альваро Мората «Комо»дан «Леганес»га ижара асосида ўтганидан сўнг янги клуби ҳақида фикр билдирди.

Испания Сегундаси вакили 33 ёшли футболчининг трансферини жума куни расман эълон қилди. Келишувда уни тўлиқ сотиб олиш ҳуқуқи ҳам кўзда тутилган.

«Ҳеч қачон «Леганес»да ўйнайман деб ўйламаган эдим, аммо бу чиройли ҳикоя. Болалигимда стадионда томоша қилган биринчи ўйиним «Леганес» — «Атлетико» баҳси бўлган.

Ўша учрашувга отам билан келгандим ва мени футболчиларга тўп узатиб туриш учун майдон четида ишлашга юборишган эди», — деди Мората.

Эслатиб ўтамиз, Мората Испанияда аввал «Атлетико» ва «Реал» сафида тўп сурган.

Шанба куни «Леганес» Испаниянинг иккинчи кучли дивизиони доирасида ўз майдонида «Эльденсе»ни қабул қилади.