Таниқли инсайдер Фабрицио Романо мадриднинг «Реал» клуби ҳужумчиси Эндрикнинг Лондоннинг «Арсенал» жамоасига ўтиши мумкинлиги ҳақидаги хабарларга муносабат билдирди.

Трансфер экспертининг сўзларига кўра, бразилиялик футболчининг Англия пойтахтига кўчиб ўтиши ҳақидаги миш-мишлар ҳақиқатга тўғри келмайди.

«Эндрикни «Арсенал» билан боғлаётган хабарлар мутлақо ёлғон. «Арсенал»дагилар «Реал» уни қўйиб юбормаслигини яхши билади. Мадрид клуби Эндрикни сақлаб қолиш бўйича қатъий қарорни ҳали икки ҳафта олдин қабул қилган», — деди Романо.

Аввалроқ 20 ёшли ҳужумчига «Ливерпуль» ҳам қизиқиш билдирган эди. Бироқ Эндрикнинг ўзи «Реал»да қолиб, асосий таркибдан жой олиш учун курашишга қарор қилган.