«Астон Вилла» вингери Леон Бэйли ёзги трансфер ойнаси ёпилгунига қадар Бирмингем клубини тарк этиши эҳтимоли юқори.

Бу ҳақда таниқли журналист Фабрицио Романо хабар берди. 29 ёшли футболчига бир вақтнинг ўзида бир нечта клуб қизиқиш билдирмоқда. «Ал-Дирия», «Халл Сити» ва «Севилья» эҳтимолий битим шартлари бўйича маълумот сўраган, музокаралар давом этмоқда.

Аввалроқ «Халл Сити» Бэйлини ўз сафига қўшиб олишга уринган, аммо ўшанда клублар келиша олмаган эди. «Астон Вилла» шартномаси 2027 йил ёзигача амал қиладиган футболчини сотишни афзал кўрмоқда.

Бэйли 2021 йилдан буён бирмингемликлар сафида ўйнаб келмоқда.