«Ювентус» Италия чемпионатининг 2-турида ўз майдонида «Парма»ни 2:0 ҳисобида мағлуб этди.
Учрашувдаги ҳар икки гол иккинчи бўлимда урилди. 63-дақиқада Нико Гонсалес ҳисобни очди, 88-дақиқада эса Тён Копмейнерс туринликларнинг устунлигини мустаҳкамлади.
Шу тариқа, «Ювентус» А Серияда кетма-кет иккинчи ғалабасини қўлга киритди.
Туринликлар икки турдан кейин 6 очко тўплаб, турнир жадвали пешқадами «Милан»га очколар бўйича етиб олди.
«Парма» эса кетма-кет иккинчи мағлубиятини қабул қилиб олди ва айни пайтда 17-ўринда бормоқда.
