«Манчестер Сити» «Ливерпуль» ҳужумчиси Коди Гакпо трансфери бўйича ҳаракатларини фаоллаштирди.

Инсайдер Фабрицио Романо маълумотига кўра, «шаҳарликлар» 27 ёшли нидерландиялик футболчининг вакиллари билан аллақачон келишувга эришган. Манчестер клуби Гакпо учун 85 миллион фунт стерлинг таклиф қилишга тайёр.

«Ливерпуль» эса ҳужумчига муносиб ўринбосар топганидан кейингина унинг трансферига розилик бериши мумкин.

Гакпонинг мерсисайдликлар билан амалдаги шартномаси 2030 йилга қадар мўлжалланган. Transfermarkt портали унинг бозор қийматини 60 миллион еврога баҳоламоқда.

2025/26 йилги мавсумда Гакпо барча мусобақаларда 52 та ўйинда иштирок этиб, 9 та гол урди ва 6 та голли узатмани амалга оширди.

2026 йилги жаҳон чемпионатида эса нидерландиялик форвард 4 та учрашувда 3 та гол ва 1 та ассист қайд этди.