"Лидс" раҳбарияти "Челси"нинг ҳужумкор ярим ҳимоячиси Михаил Мудрикка бўлган қизиқишини сусайтирмаяпти. Бу ҳақда инсайдер Бен Жейкобс хабар берди.
Манба маълумотига кўра, "Лидс" футболчи трансфери бўйича янги таклиф билан чиқиши мумкин. Аввалроқ клублар украиналик футболчини ижарага олиш масаласида музокара олиб борган, аммо келишувга эриша олмаган.
Мудрикнинг ўзи эса Франциянинг "Страсбург" клубига ўтиш варианти мавжуд бўлишига қарамай, фаолиятини Англияда давом эттиришни истамоқда.
Шунингдек, футболчига АПЛнинг яна бир нечта клуби қизиқиш билдирмоқда, аммо уларнинг номлари ҳозирча очиқланмаган.
Эслатиб ўтамиз, Михаил Мудрик тақиқланган моддалар истеъмоли билан боғлиқ ҳолат сабаб узоқ муддатли дисквалификацияни ўтаб бўлган.
