«Манчестер Юнайтед» ҳимоячиси Харри Магуайр «Ипсвич»нинг VAR текширувидан сўнг ҳисобга олинган баҳсли автоголи ҳақида фикр билдирди. АПЛнинг иккинчи туридаги учрашув «қизил иблислар»нинг 5:2 ҳисобидаги ғалабаси билан якунланди.
«Мен бу вазиятни ҳали қайта кўрганим йўқ, шунинг учун уни батафсил изоҳлай олмайман, аммо эпизод жуда нозик бўлганини тушунаман. Мен атайлаб қўлим билан ўйнаганим йўқ, аммо тўп бармоқларимга теккан деб ўйламайман.
Зарба йўналишини бироз ўзгартирдим. Эҳтимол, голни автогол сифатида қайд этишади. Менимча, айнан шу сабабли у ҳисобга олинди. Агар бу менинг голим бўлганида, уни бекор қилишарди — ҳозирги қоидалар шундай. Аммо бу сафар қарор бизнинг фойдамизга чиқди. Менимча, биз ғалабага лойиқ эдик, гарчи бироз омадимиз ҳам келди», — дея футболчининг сўзларини Sky Sports келтиради.
