«Манчестер Юнайтед»нинг собиқ ҳимоячиси Рио Фердинанд Пол Скоулзнинг Люк Шоу манзилига айтган танқидий фикрларига муносабат билдирди.
«Қизил иблислар» футболчиси Англия Премьер-лигасининг 2-турида «Ипсвич»га қарши 5:2 ҳисобида якунланган учрашувда ҳимояда унчалик ишончли ҳаракат қила олмади.
«Сўнгги бир йил давомида Люк Шоу жамоамизнинг энг барқарор футболчиларидан бири бўлди. Битта омадсиз ўйин мен учун ҳеч нарсани ўзгартирмайди», — деди Фердинанд.
Шу билан бирга, собиқ футболчи «Манчестер Юнайтед» Шоунинг позициясига янги ўйинчи олиб келиши кераклигини ҳам таъкидлади.
«Люк Шоунинг келажакдаги ўринбосари бўла оладиган чап қанот ҳимоячисини сотиб олиш керак. Уни аста-секин шу рольга тайёрлаш мумкин. Ҳозир таркибимизда бундай футболчи йўқ», — деди Фердинанд.
Мутахассиснинг сўзларини Metro нашри келтирган.
Айни пайтда «Манчестер Юнайтед» 3 очко билан Англия Премьер-лигаси турнир жадвалида 10-ўринни эгаллаб турибди.
