Гарчи “Спартак” Андижонга сафар қилиб, мағлубиятга учраган бўлса-да, жамоа устози Усмон Тошев ўйиндан кўнгли тўлганини яширмади.

— Шогирдларимнинг кўрсатган ўйинидан хурсандман. Шу боис уларга эътирозим йўқ. Тўғри, жамоамизда айрим тактик ва индивидуал хатолар бор. Лекин ўйинлар давомида болалар ўз хатоларини кўриб тузатиб боришмоқда. Футболчи ўзидаги камчиликни ўйиндан-ўйинга бартараф этиб боради. Жамоамиз негизини ёшлар ташкил қилади. Шу боис бизга айрим учрашувларда тажриба етишмаяпти. Қолаверса, “Андижон” кучли таркибга эга бўлган жамоа. Андижонликлар билан ўз майдонимизда ҳам яхши ўйнагандик, бугун ҳам мезбонлардан қолишмадик, деб ўйлайман.