Москванинг «Динамо» клуби собиқ футболчиси, айни пайтда футбол эксперти Игорь Семшов 39 ёшли ҳужумчи Лионель Мессининг Аргентина терма жамоасидаги фаолиятини якунлаш қарорини изоҳлади.
«Унинг фаолияти муваффақиятли ўтди ва терма жамоадан ўз вақтида кетиш керак. Айниқса, ўзи етакчи бўлган шундай терма жамоадан. У энди бундан юқори натижага эришиши қийинлигини тушунади», — деди эксперт «Матч ТВ» эфирида.
Месси «альбиселесте» сафида 207 та учрашувда майдонга тушиб, 125 та гол урган. У Аргентина терма жамоаси билан жаҳон чемпиони, Америка кубоги ва Олимпиада чемпиони бўлган.
