"Кристал Пэлас"нинг сенегаллик вингери Исмаила Сарр трансфер ойнасининг сўнгги кунида жамоани тарк этмайди. Бу ҳақда TEAMtalk нашри хабар берди.
Манба маълумотига кўра, "бургутлар" 28 ёшли футболчини сотмасликлари ҳақида "Ливерпуль"ни хабардор қилган. Аввалроқ мерсисайдликлар Сарр учун 47 миллион евро таклиф қилганди, аммо бу сумма "Кристал Пэлас" кўриб чиқишга тайёр бўлган миқдордан анча паст экани айтилмоқда.
Шу билан бирга, Лондон клуби умуман олганда ўз етакчиларидан бирини сотиш вариантини кўриб чиқмаяпти.
Янги мавсумда Сарр ҳали майдонга тушгани йўқ. Унинг "Кристал Пэлас" билан амалдаги шартномаси 2029 йилга қадар мўлжалланган.
Transfermarkt мутахассислари сенегаллик вингернинг бозор қийматини 45 миллион евро деб баҳоламоқда.
