«Барселона» вингери Ламин Ямал Ла Лиганинг 3-турида «Райо Вальекано»га қарши ўйинда дубль қайд этди. Каталонияликлар ушбу баҳсда 5:2 ҳисобида ғалаба қозонди.

Бу голлар испаниялик футболчи учун «Барселона» асосий жамоаси сафидаги 154-учрашувида урилган 50 ва 51-голлар бўлди.

Ямал 19 ёшу 49 кунлигида Европанинг топ-5 лигалари тарихида 50 та гол урган энг ёш футболчига айланди. У бу кўрсаткич бўйича Эрлинг Холанд ва Килиан Мбаппени ортда қолдирди.

Шунингдек, Ламин «Барселона» тарихида 50 голлик маррага етган энг ёш футболчи бўлди.

У бу борада Жозеп Эскола ва Лионель Мессининг натижаларини янгилади. Эскола 50-голини 20 ёшу 356 кунлигида урган бўлса, Месси мазкур кўрсаткичга 21 ёшу 120 кунлигида эришган эди.