«Манчестер Сити» «Челси» ярим ҳимоячиси Энцо Фернандес билан шартнома имзолаганини расман эълон қилди.

25 ёшли аргентиналик футболчи «шаҳарликлар»нинг янги ўйинчиси сифатида таништирилди. Унинг «Манчестер Сити» билан шартномаси 2031 йилнинг ўрталарига қадар мўлжалланган.

Трансфер қиймати 125 миллион фунт стерлингни, яъни тахминан 145 миллион еврони ташкил қилди.

«Манчестер Сити» — сўнгги йилларда Англиянинг энг муваффақиятли клуби. Ҳар бир футболчи бундай жамоада ўйнашни орзу қилади. Бу трансфердан жуда хурсандман ва «Сити»га совринлар ютишда давом этиши учун ёрдам беришга тайёрман», — дея Фернандеснинг сўзларини клуб матбуот хизмати келтирди.

Эслатиб ўтамиз, «Челси» Энцо Фернандесни 2023 йил январь ойида «Бенфика»дан 121 миллион евро эвазига сотиб олган эди.

Аргентиналик ярим ҳимоячи «кўклар» сафида 170 та ўйин ўтказиб, 31 та гол урган ва 30 та голли узатмани амалга оширган.